O CS Henriqueta Outeiro foi inaugurado em Janeiro de 2004, dando continuidade à Sereia, um dos primeiros centros sociais da Galiza aberto em 2000 e que, basicamente por motivos de espaço, tinha sido fechado a finais de 2003.
O CS Henriqueta Outeiro é umha iniciativa da esquerda independentista para se dotar de espaços próprios onde realizar actividades sem nengum tipo de entraves e aberto a qualquer associaçom ou entidade do movimento popular que solicite utilizar as instalaçons para a realizaçom de eventos de carácter externo, -palestras, debates, jornadas-, e interno: reunions, assembleias e congressos.

Continua:

O Centro Social Henriqueta Outeiro pretende dinamizar Compostela em geral, e o bairro em que estamos inseridos, em particular.

Somos um espaço aberto, livre, crítico e reivindicativo em que desfrutar o tempo de lazer alternativo, mas também onde organizar, sem espartilhos nem censuras, actividades culturais, divulgativas e sócio-políticas, questionadoras do actual quadro de opressom nacional e social de género.

Somos um espaço de luita, galego e em galego, um centro social ao serviço da Galiza vermelha, livre e lilás em que estamos comprometid@s como parte de um projecto revolucionário global, o Movimento de Libertaçom Nacional Galego.