Leva por título O País de Graeslinjú e exibe-se na Biblioteca Pública Ánxel Casal de Compostela

PGL - No meio-dia de ontem ficou inaugurada em Compostela a amostra O País de Graeslinjú, umha exposiçom que se poderá visitar aé o 1 de Outubro e que trata dos grandes autores da literatura infantil e juvenil. Segundo explica a organizaçom, Graeslinjú é «um país mágico onde vivem os grandes escritoes da literatura infantil e juvenil», e amostra percorrerá as suas vidas, histórias e as peculiaridades dos diferentes géneros e tendências actuais.
[+...]

Para os responsáveis da amostra, os autores que merecem este reconhecimento como graeslinjus (grandes escritores da literatura infantil e juvenil) som Jules Verne, Mark Twain, Hans Christian Andersen, Robert Louis Stevenson, Rudyard Kipling, Arthur Conan Doyle e os irmãos Grimm.

Através de painéis e corredores de cor azul, o Rio da Rima conduz à vila dos irmãos Jakob e Wilhem Grimm. Seguindo o rio chega-se à mansom do criador de Sherlock Holmes, Arthur Conan Doyle, e mais adiante à de Rudyard Kipling. Quem se achegar à amostra também poderá ver a cabana de Mark Twain, a ilha (do tesouro) de Stevenson, o palácio de Andersen ou a residência de Verne.

Com anterioridade a Compostela, a exposiçom já estivo noutras cidads do Estado espanhol, como Irun (País Basco) ou Vila Joiosa (Países Catalães).

Horário

A amostra poderá ser visitada até o 1 de Outubro em horário de 8h30 a 21h de segundas a sextas, e de 10 a 14h os sábados. As escolas da zona terám visitas guiadas nas quartas de 10h30 a 11h30.

+ Mais informaçom:
- Sítio web da Biblioteca Pública Ánxel Casal.