Prevê realizaçom de actividades culturais conjuntas

PGL - A conselheira da Cultura e Desportos, Ánxela Bugalho, e a presidenta da Associação Internacional de Lusitanistas (AIL), Regina Zilberman, assinárom ontem um protocolo de colaboraçom cultural através do qual a Conselharia «apoiará o labor desta instituiçom com presença em 32 países e que tem por objecto o fomento dos estudos das línguas portuguesas, entre elas o galego».
[+...]

O protocolo assinado pretende estabelecer linhas de trabalho conjunto entre a AIL e a Conselharia através da Direcçom Geral de Criaçom e Difusom Cultural, que permitirám a realizaçom de actividades culturais conjuntas. Este labor em comum «facilitará a aproximaçom da cultura galega à dos países lusófonos», assinala o comunicado da Conselharia.

A AIL foi fundado em Poitiers (França) em 1984 e tem a sede actualmente em Coimbra. Dela fazem parte docentes universitários, investigadores e estudosos de 32 países, com a Galiza em destaque. Esta associaçom tem assinados protocolos com instituiçons e organismos como a Fundação Gulbekian ou o Instituto Camões e em 2005 realizou em Compostela o seu VIII Congresso Internacional, este ano decorrerá o IX Congresso em Madeira.

---

Ánxela Bugalho e Regina Zilberman

---

• Ánxela Bugallo asina un protocolo de colaboración coa Asociación Internacional de Lusitanistas. Conselharia da Cultura, 08 de Julho de 2008.