Dia histórico em que representantes da AGAL, da AGLP, de AAG-P e do MDL participarão na Conferência que decorre hoje na Assembleia da República portuguesa

PGL - A Comissom de Ética, Sociedade e Cultura da Assembleia da República Portuguesa confirmou ao Conselho da AGAL no passado 10 de Março que essa associaçom seria convidada à Conferência Internacional/Audição Parlamentar sobre o Acordo Ortográfico da Língua Portuguesa, organizada pola citada Comissom para esta segunda-feira, 7 de Abril, na Sala do Senado da Assembleia da República em Lisboa. Posteriormente também a Associação Pró-Academia Galega da Língua Portuguesa teria sido convidada oficialmente pola Assembleia da República para participar no evento.
[+...]

Segundo pudo saber o PGL, confirmado o convite, o Conselho da AGAL decidiu na sua reuniom de 15 de Março passado, propiciar umha representaçom plural das organizações defensoras a unidade lingüística galego-portuguesa, para o qual se dirigiu à Associação de Amizade Galiza-Portugal e ao Movimento Defesa da Língua para convidá-los a designar representaçom e dessa maneira acompanharem os representantes da AGAL na delegaçom galega destacada para o evento.

O Conselho da AGAL acordou também tentar consensuar umha posiçom comum coas demais organizações reintegracionistas integrantes da delegaçom galega para manter na Conferência Internacional, ao passo que convidava à Comissom Lingüística da associaçom a designar também representante na delegaçom e contribuir à participaçom no evento.

Delegaçom galega

Nos últimos dias o PGL tivo conhecimento de que, posteriormente ao convite formulado à AGAL, também a Associação pro-Academia Galega da Língua Portuguesa teria sido convidada pola Assembleia da República para participar no evento.

Desta maneira, a delegação galega está integrada polo Presidente da AGAL, Alexandre Banhos e o seu Vice-Presidente, Isaac A. Estraviz, membro da Comissom Lingüística dessa entidade e da "Comissão para a participação da Galiza no Acordo Ortográfico", mercê à qual o Acordo contou com participaçom de "delegaçom de observadores da Galiza", tal como se afirma no prólogo do texto acordado.

Margarida Martins e Manuela Ribeira, integrantes do Conselho da AGAL, também fam parte da comitiva, junto coa porta-voz do MDL, Teresa Carro, e Ângelo Cristóvão, António Gil Hernández, José-Martinho Montero Santalha, Concha Rousia e Xavier Vilar Trilho, em representação da Associção Pró-Academia Galega da Língua Portuguesa e da Associação Amizade Galiza-Portugal.

Programa da Conferência

Segundo o programa previsto da Conferência Internacional, disponível na página da Assembleia da República, as organizações convidadas intervirám a partir das 15h30 (GMT).

Previamente, e após a abertura às 10h30 (GMT), que correrá a cargo do Presidente da Assembleia da República, Dr. Jaime Gama, iniciará-se às 10h45 (GMT) o Primeiro Painel, em que intervirám o Prof. Dr. Adriano Moreira, Presidente da Academia das Ciências de Lisboa, o Prof. Evanildo Bechara, Membro da Academia Brasileira de Letras, o Dr. Albertino Bragança em representação do Governo de São Tomé e Príncipe e a Dr.ª Amélia Mingas, Presidente do Instituto Internacional da Língua Portuguesa (CPLP).

Após o jantar decorrerá, desde as 14h30 (GMT), o Segundo Painel, umha Audiçom Pública dividida numha confrontaçom de posições a favor e em contra do Acordo Ortográfico, que farám, respectivamente, o Prof. Carlos Reis e o Deputado e escritor Vasco Graça Moura.

A continuaçom, às 15h30 (GMT), produzirá-se a intervençom por orde alfabética das organizações convidadas (oficialmente participam, além da Galiza, representantes de Cabo Verde, de Portugal e de São Tomé e Príncipe), entre as quais a de Alexandre Banhos (texto consensuado AAG-P, AGAL, AGLP, ASPG-P, MDL) e Ângelo Cristóvão (AGLP) e o evento encerrará-se coas intervenções dos representantes dos Grupos Parlamentares da Assembleia da República.

Valorizaçom do evento

A AGAL valoriza este evento como um marco histórico no reconhecimento, por parte de Portugal, das organizações reintegracionistas, pois é a primeira vez que umha instituiçom do país irmão convida organizações galegas num evento relativo à língua comum e assumindo portanto o carácter lusófono da Galiza.

Contodo, mesmo sendo umha organizaçom portuguesa a organizadora, o facto de tratar-se dumha Conferência Internacional que contará com participaçom de organizações científicas e institucionais doutros países lusófonos, permitirá que a participaçom galega constitua umha reafirmaçom do reconhecimento internacional da unidade lingüística galego-portuguesa.

+ Acampanhe sessão ao vivo no Canal Parlamento da Assembleia da República.

---

Sala do Senado da Assembleia da República portuguesa

---