Dili, capital do Timor Leste, contará proximamente com ambaixada do Estado espanhol

PGL - A Fundaçom Via Galego acaba de reivindicar “um maior peso da Galiza nas embaixadas que o governo espanhol tem abertas nos países de língua portuguesa”, após se conhecer a possibilidade dos Estados espanhol e francês virem a abrir proximamente umha embaixada conjunta em Timor Leste, hipótese tratada no contexto da XX Cimeira Hispano-francesa que decorreu em passado dia 10 de Janeiro em Paris.
[+...]

Tanto o secretário de estado dos Assuntos Externos do governo espanhol, Bernardino León Gross, quanto o secretário-geral das Relaçons Externas, Julio César Fernández Mato, fôrom os destinatários das cartas a respeito dessa reivindicaçom enviadas por Via Galego.

A fundaçom de interesse público pede para o aproveitamento da ligaçom lingüístico-cultural da comunidade autónoma galega com a lusofonia e das vantagens que isso envolve, facto que deveria permitir, explicam, que a Galiza fosse “ponte de relacionamento natural entre o Estado espanhol e os territórios de fala galego-portuguesa”.

+ Mais informaçom: