Voltado para aproximar aos miúdos música em directo na sua própria língua

PGL.- A Fundaçom Via Galego é a responsável pola organizaçom hoje, 29 de Dezembro, a partir das 12h30 (GMT +1), da actuaçom musical do grupo Mamá Cabra, a decorrer na Casa do Povo da Câmara Municipal de Luviám (Comarca das Portelas), município estremeiro galego actualmente sob administraçom de Samora.
[+...]

A actuaçom musical é aberta ao público e vai destinada fundamentalmente a oferecer aos miúdos dessa comarca, ainda hoje maioritariamente galego-falante, a oportunidade de ouvirem ao vivo música em galego. Além disso, da Fundaçom Via Galego informam que presentearám com livros, filmes e discos em galego todas as crianças da comarca das Portelas que lá estiverem.

O espectáculo de música para crianças dos Mamá Cabra alicerça-se nas tradiçonss musicais galegas. Em cada concerto as crianças som chamadas a participar de uma forma lúdica e pedagógica. Os Mamá Cabra tenhem actualmente quatro trabalhos publicados em que os CD som sempre acompanhados por um livro.

A língua nas Portelas

Na Comarca das Portelas a língua galega tem um escasso reconhecimento no Estatuto de Autonomia de Castela e Leom, estando excluída como língua da administraçom, dos meios de comunicaçom e mesmo perseguida na própria escola embora a ligeira melhora neste campo nos últimos tempos com alguma introdução nas aulas.

Da Fundaçom Via Galego acrescentam que entre os seus objectivos está apoiar as organizações e colectivos que trabalham pola normalizaçom do galego nas zonas onde se fala historicamente, embora fora das fronteiras da actual Comunidade Autónoma da Galiza, como é o caso da comarca das Portelas, e denuncia que o estado espanhol está a incumprir de maneira flagrante tratados internacionais como a Carta Europeia das Línguas Regionais e Minoritárias.

Mamá Cabra numa actuaçom ao vivo
[Pedrouços - Briom]

• Novo Estatuto de Autonomia de Castela e Leom


• Hoje, como há cinquenta anos: Proibido o galego nas aulas


• «E proibido falar galego», director da escola de Luviám dixit


• Onde o problema da língua é a crise demográfica


• Faixa Oriental apoia Candidatura galego-portuguesa à UNESCO


• I Roteiro por Luviám, Entre-as-Portelas (Samora)


• AGAL co-organiza II Jornadas da Língua em Vilar de Santos


• Luviám potencia o uso do galego