|
A denúncia fora realizada por dous polícias municipais que contavam com umha terceira testemunha, também polícia
PGL.- Os factos em causa acontecêrom num dos acessos à auto-estrada que parte de Ferrol, no passado dia 12 de Setembro, e fôrom julgados polo procedimento dos chamados «julgamentos rápidos», após a denúncia apresentada por membros da polícia municipal ferrolana.
[+…]
Em concreto, os dous militantes independentistas participavam na correcçom do topónimo «Valdoviño», apagando o enhe para escrever no seu lugar um ene agá, mas sem que ficasse provado que nengum deles tivesse realizado materialmente essa correcçom.
A polícia local identificou essas duas pessoas perto do lugar poucos minutos depois, ameaçando-as com acusá-las de todas as correcçons toponímicas existentes na zona da Malata, em Ferrol. A seguir, um dos polícias, à paisana, fijo o papel de suposta «testemunha» de uns factos que finalmente nom pudérom ser demonstrados.
No julgamento, decorrido no dia 25 de Outubro, só se apresentárom os dous militantes de NÓS-Unidade Popular. Nem os denunciantes nem a suposta «testemunha» marcárom presença perante o tribunal, o que nom impediu que o julgamento tivesse lugar.
Os argüidos defendêrom abertamente a necessidade de serem realizadas correcçons toponímicas para reivindicar a galeguizaçom de todo o tipo de indicadores e sinais nas estradas galegas, reivindicando o carácter «histórico e legítimo» dessas práticas.
Lembrárom também que, ao contrário do que se afirmava na denúncia, a leitura do sinal nom ficou «dificultada», tendo sido realizada com cuidado de que se lessem o topónimo e o número de quilómetros indicado.
Finalmente, os dous vizinhos de Ferrol fôrom absolvidos e a cidade conta com mais um sinal galeguizado, como pode ver-se na imagem que acompanha estas linhas.
NÓS-Unidade Popular manifestou que «este novo fracasso na via repressiva contra quem quer normalizar o uso social do nosso idioma umha pequena vitória no ainda longo caminho de recuperaçom plena do nosso direito à língua».
Sinaléctica com o topónimo Valdovinho corrigido
+ Ligaçons:
|
Capa do PGL
Mapa do Sítio
Modo de Texto
Pesquisa Avançada
Corporativo AGAL :
Notícias PGL :
Comunidade PGL :
Formaçom :
Conselho de Redacçom do PGL
Termos de uso legal
Privacidade e protecçom de dados