Disponibilizamos, graças à iniciativa de Alexandre Banhos e A Gentalha do Pichel, a documentaçom e informaçom necessárias

PGL.- Tal como já informamos em dias passados, na tarde do passado sábado decorreu no Centro Social O Pichel um encontro convocado pola associaçom cultural compostelana para facilitar toda a informaçom precisa para a galeguizaçom de nomes e apelidos, incluída a versom plenamente reintegrada dos mesmos.
[+...]

Alexandre Banhos, associado da AGAL, foi o encarregado de expor a experiência pessoal dele e de algumhas pessoas próximas que já conseguírom realizar com sucesso a mudança das formas deturpadas de apelidos galegos. Durante o encontro, A Gentalha do Pichel anunciou que, com a colaboraçom do próprio Alexandre Banhos, vam iniciar-se os trámites para a galeguizaçom dos apelidos de todas aquelas pessoas interessadas na correcçom das formas deturpadas dos mesmos.

As nossas leitoras e leitores interessados na campanha podem dirigir-se à Gentalha do Pichel, passando polo seu centro social, na rua Santa Clara, 21, de Compostela, no correio electrónico gentalha[arroba]agal-gz.org, ou ainda no telemóvel 629 99 15 51.

A seguir, apresentamos as instruçons e documentaçom necessárias, disponibilizadas por Alexandre Banhos e A Gentalha do Pichel, para a galeguizaçom [reintegrada] dos nossos nomes e apelidos:

=> Documentaçom necessária no Registo Civil de Compostela (em formato pdf).
=> Trámites e conselhos para a galeguizaçom (reintegrada) de nomes e apelidos (em formato pdf).
=> Modelo de requerimento para solicitar a galeguizaçom do nome (em formato pdf).
=> Modelo de requerimento para solicitar a regularizaçom ortográfica dos apelidos (em formato pdf).

=> Fazer descarga dos 4 documentos (compactados em zip).