Conselharia da Cultura da Junta da Galiza apoiará a Candidatura

Segundo escrito remetido pola UNESCO aos Ministérios português e espanhol da Cultura e expedido à Comissom promotora da Candidatura «As Tradições Orais Galego-Portuguesas», a Divisom do Património Imaterial da própria UNESCO confirmou que a Candidatura superou a fase de avaliaçom e já se encontra em poder do Júri Internacional para a sua avaliaçom científica e a proclamaçom na última semana do próximo novembro.

Segundo consta da página web oficial da Candidatura (www.opatrimonio.org), no escrito da UNESCO o dossiê é qualificado como bem documentado e rigoroso, evidenciando-se ainda por um exaustivo plano de acçom sobre o conjunto deste património.
[+...]

Conselharia da Cultura da Junta da Galiza apoiará a Candidatura

A Candidatura do Património Imaterial Galego-Português é promovida pola Associaçom Cultural Ponte... nas ondas!, contando com o apoio decidido de várias entidades, às que se vem somar a Conselharia da Cultura da Junta da Galiza, em cuja sede era hoje recebida umha ampla representaçom da Comissom Organizadora da única candidatura internacional de dous países da UE e primeira do mundo a ser promovida por centros educativos. A Conselheira da Cultura, Ângela Bugalho, e a sua equipa confirmárom o seu apoio decidido à candidatura, adquirindo o compromisso da sua promoçom e divulgaçom por meio de acções conjuntas com o governo português.

Nos próximos dias terám lugar diversos actos de divulgaçom coincidindo com diferentes festividades. Assim, em Lugo terá lugar durante as festas de S. Froilám umha mostra da Candidatura apoiada pola Câmara Municipal. Também a Deputaçom de Lugo realizará a apresentaçom de umha Revista Oral. Já na Câmara de Ourense som previstos diversos actos coincidindo com a celebraçom dos Magustos no próximo dia 11 de novembro, feriado local. Igualmente, e com o apoio da Conselharia da Cultura da Junta da Galiza, será editado o livro-disco-DVD Meninhos Cantores, projecto realizado conjuntamente por escolas galegas e portuguesas, mostra do compromisso do mundo da educaçom com a Candidatura do Património Imaterial.

Para o próximo dia 26 de setembro e a convite do Centro UNESCO da Catalunha, a Comissom Promotora apresentará a Candidatura no «Institut de Estudis Catalans» de Barcelona.

Ligaçom relacionada:

Ponte nas Ondas!