PGL - Por quarto ano consecutivo, a Associaçom Galega da Língua (AGAL) participará nos festejos do Dia da Pátria Galega com um grande posto instalado na chamada "Galeria das Letras", na seqüência do Festigal, que se organiza anualmente no Campus Vida de Santiago de Compostela. As pessoas que se aproximarem do posto agálico encontrarám novidades editoriais, camisolas reivindicativas, folhas informativas sobre atividades da associaçom... e poderám levar gratuitamente umha publicaçom gratuita de 24 páginas, com a maioria delas a cor: o FEST-AGAL, já um clássico.
Quanto às novidades da ATRAVÉS | EDITORA, o público poderá conhecer de primeira mão trabalhos editados este mesmo ano e que já fôrom apresentados publicamente, como O Modelo Lexical Galego (Comissom Lingüística da AGAL), Janela Aberta (José Alberte Corral), Sete ch'iens a um posso (Sílvia Capon), Outra Vida (Mário Herrero), ou Galego, português, galego-português? (coordenado por Carlos Taibo e Arturo de Nieves). Ainda, será a estreia de novos trabalhos, como O Crânio de Castelão (coordenado por Carlos Quiroga), Falar a Ganhar (coordenado por Manuel César Vila), Eu violei o lobo feroz (Teresa Moure) e Quem fala a minha língua? (coordenado por Xemma Fernández e Valentim Fagim).
Precisamente, os dous últimos títulos serám lançados na Galeria das Letras do Festigal, no dia 25. Às 19h45, Teresa Moure apresentará seu primeiro poemário, Eu violei o lobo feroz. Já às 21h15 terá lugar o ato de lançamento de Quem fala a minha língua?, apresentado por Valentim Fagim e Xemma Fernández, da ATRAVÉS, e com intervenções de Jairo Dorado e Carmen Alén, dous dos autores.
Quarto FEST-AGAL
Como já aconteceu nos três anos anteriores, a AGAL chega a este evento com mais um número do gratuita FEST-AGAL, o quarto já. A seguir, indicamos os conteúdos desta publicaçom, com tiragem de 4.000 exemplares e 24 páginas, a maioria das quais a cor.
FEST-AGAL n.º 4
1. Capa.
2. Saudaçom de Miguel R. Penas, presidente da AGAL.
3. Galego X100.
4. Crónica da manifestaçom do 17-M
5. Resumo das invertenções dos grupos parlamentares na tramitaçom da ILP Paz-Andrade
6. Resenha de Falar a Ganhar
7. Publicidade
8. Renovaçom do Conselho da AGAL
9. Entrega do Prémio Meendinho à AGAL
10-11. Ciranda, à volta do português
12. Resenhas de O Crânio de Castelão e Quem fala a minha língua?
13. Parcerias da AGAL com meios de comunicaçom e representaçom institucional da associaçom
14. Entrevista a Teresa Moure, autora de Eu violei o lobo feroz
15. Publicidade
16. Exposiçom de AGAL e BD Banda sobre as Cantigas de Santa Maria / Crónica da manifestaçom em defesa da língua do 27-J
17. Mapa de casas de turismo rural na Galiza (publicidade)
18. Mapa de livrarias da Galiza (publicidade)
19. Consultório lingüístico da AGAL
20. Entrevistas para apresentar a plataforma Falarmos.com
21. Mapa de lojas de produtos de consumo ecológico da Galiza (publicidade)
22. Novidades da ATRAVÉS | EDITORA
23. Teste de soberania (lazer)
24. Contra-capa
