ATRAVÉS | EDI TORA é a marca editorial da Associaçom Galega da Língua (AGAL). Herdeira do trabalho da AGAL como editora, desde a sua fundaçom no ano 1981, o seu objectivo geral é tornar a área editorial da Associaçom numha editora de ámbito galego-português. ATRAVÉS pretende ser umha ferramenta mais de achegamento de Galiza e a Lusofonia, demostrando que a via reintegracionista é a mais válida e útil para marcar um padrom galego atual pois, além de ser coerente do ponto de vista filológico e histórico, permite explorar o caminho de operar num mercado editorial maior e internacional .

Das primeiras mostras do seu catálogo destacam Animais!, o primeiro álbume ilustrado de Séchu Sende, e Noente paradise. Poemas e canções, o primeiro poemário de Ugia Pedreira, ambos na colecçom ATRAVÉS | DAS LETRAS. Na colecçom ATRAVÉS | DA LÍNGUA destaca Por um galego extenso e útil, coletánea da Comissom Lingüística da AGAL e a re-ediçom do manual Do Ñ para o NH. Manual de língua para transitar do galego-castelhano para o galego-português de Valentim R. Fagim. Também de grande interesse tem sido o primeiro dos volumes da colecçom ATRAVÉS | DAS IDEIAS com a obra de Carlos Taibo Parecia não pisar o chão. Treze ensaios sobre as vidas de Fernando Pessoa. Já na colecçom ATRAVÉS | DE NÓS cumpre destacar o monumental trabalho da primeira adaptaçom do Sempre em Galiza de Castelao à grafia internacional portuguesa, um volume anotado e comentado por Fernando Vásquez Corredoira e Ernesto Vásquez Souza.