Amigos
VOLUNTARIADO 2.O

Depois da bem sucedida experiência do passado ano 2007 volta o
Voluntariado pola língua numha versom 2.0 que convida a aproveitar as
novas tecnologias para aprender e aperfeiçoar o uso oral do galego.
Nesta nova ediçom do ano 2008 a essência do Voluntariado nom vai
mudar, continuará a ser um programa gratuito que pretende pôr em
contacto pessoas que falam galego habitualmente com pessoas que por
diversas razons nom podem treinar a língua oralmente. O objectivo é
que os novos falantes podam avançar na sua aquisiçom da língua e para
isso é que os participantes organizam-se em pares de voluntários ou
voluntárias e aprendentes. Os voluntários e voluntárias tenhem a
oportunidade de introduzir outra pessoa no uso da língua oral,
dando-lhe um ámbito de comunicaçom do qual o aprendente nom dispom.

Novas tecnologias

A novidade deste ano é que o Voluntariado 2.0 também convidará à
criaçom de pares que se podam comunicar oralmente (ou mesmo por
escrito) através da rede. Internet como ferramenta de comunicaçom que
permite que duas pessoas que moram muito longe podam formar um par e
conversar graças a programas como skype, msn messenger, Gtalk, Yahoo!
Messenger, Piddin,... entre outros. Os pares que solicitem esta
modalidade terám toda a ajuda para resolver qualquer dúvida que tenham
sobre como poder realizar a comunicaçom oral com estes programas.

Desde já qualquer pessoa interessada em participar no programa pode
inscrever-se no C.S. Pichel (rua Santa clara 21), ou ainda na Casa
Encantada, no Henriqueta Outeiro, no local do CLAM (Casa
Latinoamericana) e em discos Gong, se quigesse participar através da
rede há que indicá-lo na mesma solicitude . Outra hipótese para a
inscriçom é escrever ao endereço voluntariado[arroba]agal-gz.org, onde
também se pode pedir qualquer tipo de informaçom ou dúvida a resolver.
. Seja qual for o sistema de inscriçom é necessário indicar o nome, a
idade, os conhecimentos de galego e os conhecimentos informáticos,
estes últimos só no caso de solicitar participar através da internet.

Escrito em 16-01-2008, na categoria: Avisos
E POR FIM... A FESTA!!!!

Com os primeiros seis meses de Voluntariado pola Língua chega o momento de valorizarmos o desenvolvimento da iniciativa. Será na próxima sexta-feira, dia 22, às 20h00 no Pichel. A PARTICIPAR TODO O MUNDO!

Teremos umha merenda para acompanhar a troca de experiências entre voluntários e aprendentes, para além da projecçom do documentário Línguas Cruzadas, da autoria de Maria Yáñez e Mónica Ares, que dedicou um tempinho a falar de nós... E DEPOIS, FESTA!

Full story »

Escrito em 20-06-2007, na categoria: Avisos
estas sim que se divertem...

Carme (a voluntária morena) e Aína (aprendente loira) levam já mais de dous meses a combinar... na festa comprovaremos os seus avanços linguísticos!

Ainda falta muita gente por enviar a fotografia! a que esperades?

Escrito em 23-05-2007, na categoria: Avisos
E da Grécia também chegam

Dimitra leva uns meses em Compostela. Vinda da Grécia, em concreto de Tesalonika, gosta de cidades grandes mas di que ficou encantada com Compostela, sobretodo polo número de actividades culturais que há. Ela é umha apaixonada por idiomas, de facto nom é so apredente de galego senom que também está a dar aulas de grego num instituto; como vedes está nos dous lados da moeda.
Aqui a vedes com Davide, o seu par no voluntariado tomando algo na Gentalha e conversando animadamente. Os dous querem aproveitar para mandar um saúdo ao resto de companheir@s

Escrito em 25-04-2007, na categoria: Voluntários em acçom, Avisos
Ela também tem a sua camisola do voluntariado!!!!!
camisola

Se tu ainda nom a tens podes comprá-la lo local social da Gentalha. Som só 8 euros... a forma mais solidária de vestir. Lembra que esta é a nossa única forma de financiamento.

Escrito em 17-04-2007, na categoria: Avisos
Começa o voluntariado em Ponte Areias!!!
Voluntariado na Baiuca

A Associaçom Cultural A Baiuca Vermelha começou a semana passada a desenvolver o programa do Voluntariado pola Língua com diversidade de aprendentes. Estam-se a aderir ao programa participantes muito diversos (galegos, espanhois, imigrantes latinoamericanos...), para o qual só é preciso perguntar nalgum dos cinco pontos de activaçom:

- Ciber-locutório COMUNI-K-2. Rua Daniel Ojea,6
- Mesom a Nossa Terra. Rua Caméias, 10
- Copisteria Aris. Rua Rosalia de Castro, 9
- Café Onde Sempre. Rua Redondela, 1
- Local Social Baiuca Vermelha

Full story »

Escrito em 28-03-2007, na categoria: Avisos
Silvia e Luzia rindo e aprendendo juntas

Nesta ocasiom é Luzia, activista da Gentalha conhecida por todos e todas nós (à direita da imagem), quem oferece o seu tempo e conhecimentos à Sílvia, umha rapariga espanhola que chegou a Compostela há mais dum ano para estudar escultura. Já som boas amigas, a julgar pola fotografia que nos enviam...
Comentam que "esperamos conhecer o resto de poessoas voluntárias e aprendentes na festa que se vai organizar em Junho ou nalgumha outra actividade que se prepare antes".
Claro que sim! Já nos tarda a tod@s ver-nos as caras!

Escrito em 27-03-2007, na categoria: Avisos
Um aprendente avançado!

Francesc é valenciano, professor de catalám em Compostela e um aprendente avançado, já fala galego com soltura! Além de ter umha grande vontade de aperfeiçoá-lo, está interessado no reintegracionismo linguístico do galego com o português já que vê na situaçom linguística da Galiza muitas semelhanças com as do seu país.
Esta a ser umha experiência excelente, o facto de ambos os dous nos dedicarmos ao estudo das nossas línguas fai com que nom só ele aprenda muitas cousas da Galiza e do galego mas eu também sobre o País Valenciano e a língua catalá em geral.

Escrito em 26-03-2007, na categoria: Avisos
até as da sardenha querem falar galego!

Simona há já quase dous anos que está entre nós. Vinda da Sardenha, a principal razom para querer aprender a falar galego é ter feito bons amigos que usam esta língua, mas algumha relaçom deve ter também com a sua família falar normalmente em sardo, que ela ainda domina apesar de falar habitualmente italiano. Ela e a Vane, a da esquerda, mandam-nos estas fotos, em que parecem que, para além de se terem posto á sério (com animaçom à leitura e todo!!), figérom boas migas. Mandam beijinhos a todos os outros pares, "que esperamos conhecer na festa de Junho!".
Até entom, fenómenas!

Escrito em 25-03-2007, na categoria: Avisos
Voluntári@s na Quintá

Mais umha foto d@s noss@s voluntári@s trabalhando! Desta vez é Nati quem nos envia umha foto com o seu aprendente, Jordi. Depois de vários encontros, Nati conta-nos que está muito contente com o seu aprendente e que a ideia do voluntariado tivo muito éxito entre as suas amigas.

Escrito em 22-03-2007, na categoria: Voluntários em acçom, Avisos

1 2 >>

    O voluntariado pola língua é um programa gratuito que pretende pôr em contacto pessoas que falam galego habitualmente com pessoas que por diversas razonsnom tenhem maneira de treinar a língua oralmente para avançar na sua aquisiçom. No programa Voluntariado pola Língua participam pares de voluntários ou voluntárias e aprendentes: Os voluntários e voluntárias tenhem a oportunidade de introduzir outra pessoa no uso da língua oral, dando-lhe um ámbito de comunicaçom do qual o aprendente nom dispom. Se queres participar ou informar-te envia-nos um correio a voluntariado[arroba]agal-gz.org ou informa-te aqui. Se já participas conta-nos os teus encontros com o teu par e envia-nos as tuas fotos ao mail do voluntariado e publicaremo-las neste blogue.

      Busca

    powered by b2evolution