ovnis e isoglossas

Haverá um par de semanas que me chamou Remédios, a directora da Galeria DOSMILVACAS.arte, de Ponferrada, para me propor participar num encontro de artistas que, por segundo ano, se celebra em Lombilho, umha pequena aldeia do concelho de Ponferrada, organizado polo pintor berzianos Luis Gómez Domingo.

Continua:

Este ano, pensou o organizador em contar com artistas doutras disciplinas diferentes da pintura, que foi o que congregou aos e às participantes do ano passado, e contando com a colaboraçom da Galeria, apostou pola participaçom de pessoas doutras disciplinas.
E assim, entre os dias 17 a 21 de Julho, 11 pessoas, das quais 6 som pintores/as (3 homens e 3 mulheres) e outras cinco, pessoas que participaram no encontro desde a videocreaçom, a fotografia, a poesia e a performance, conviviremos, comeremos, beberemos, falaremos e trabalharemos em Lombilho.
Das cinco pessoas que nom nos dedicaremos à pintura, quatro (Roberto Sanz, Federico Ariel, Reme Remédios e um servidor), trabalharemos individualmente e em conjunto para criar umha obra colectiva. Um experimento. Umha oportunidade. Umha experiência.
Podedes ver aqui como o Diário de Leom falava do tema.
Já vos contarei que tal foi todo.