ovnis e isoglossas

Encontro artístico literário e gastronómico em Ponferrada

Conjuntamente desde este blog e desde a Galeria de Arte Dosmilvacas.arte de Ponferrada, estamos a organizar um Encontro Artístico Literário e Gastronómico baixo o título "alimentARTE".

Continua:

A ideia consiste em que um grupo de pessoas, vinculadas com algumha das actividades em questom (bem com a arte, bem com a literatura ou bem com a gastronomia) ou com todas elas, participe numha exposiçom colectiva que terá lugar entre os dias 15 de Junho e 19 de Julho deste ano 2007.

Por umha banda, os e as artistas e escritores/as que participem, deveram aportar obras, com completa, absoluta e total liberdade de estilo, técnica, disciplina (pintura, escultura, fotografia, videocreaçom, música, Dj, performance, net-art, banda desenhada, poesia, narrativa, teatro...), que guardem relaçom com a gastronomia e o seu mundo: as comidas, os alimentos, as bebidas, etc...

Por outra banda, estamos a procurar também a participaçom de gentes do mundo da gastronomia, ou que gostem da gastronomia, da cozinha e do prazer de cozinhar, para que também aportem as suas criaçons culinárias sempre relacionadas com o mundo da arte e a literatura. Também neste campo, e possibilidade de participaçom está aberta com completa, absoluta e total liberdade.

Implementando esta exposiçom, realizaremos umha série de actividades, entre as que destaca umha ceia elaborada polos participantes e aberta, por suposto, a todas as pessoas que aportem algum elemento a esta exposiçom, e da que informaremos em quanto tenhamos data. O lugar já o sabemos, pois será na mesma Galeria de Arte.

De momento, já contamos com a participaçom de vários artistas relacionados e habituais da Galeria: Bruno Santín, Mónica Doldán, Roberto Sanz, Guillermo Muriel, Luis Gómez Domingo, Lolo Serantes, Chn, Cocky, Sarai Fernández, Patere, Reme Remedios,...

Quero que te consideres convidada/o a participar, se assim o desejas nesta exposiçom colectiva. Para fazê-lo, só terás que escrever-me um correio explicando-me com que tipo de aportaçom participarás e as suas carácterísticas técnicas (obra, elementos, medidas aproximadas,etc...), e como a farás chegar a Ponferrada. No caso de participares, gostaríamos de poder contar com a tua presença no dia da inauguraçom, e nas outras actividades que levemos adiante, especialmente a ceia.

Também gostaríamos de que lhe figeras chegar este anúncio a todas as pessoas que penses podam estar interessadas em participar nesta exposiçom.