Convocamos este primeiro concurso de fotografía com o ánimo de provocar um sentimento de desacougo entre participantes e espectador@s. A destrucçom da nossa paisagem e do nosso jeito de vida polo capital inmobiliário nom nos pode deixar com bom corpo. A reducçom de todo o que algum dia foi Galiza a um mero objeto museístico é algo contra o que deveremos luitar com muita força se pretendemos sobreviver como povo. Desde a S.C. Madia Leva ! desejamos aportar algo a esta luita. Umha constáncia gráfica das desfeitas urbanísticas acrescentadoras da riqueça de uns poucos tem-nos que lograr convencer ainda mais. Tem que valer para que os demais se convençam. Por elo animamos a todas aquelas pessoas com inquedanças que participem no concurso. Mais que um prémio o importante é deixar imagens que permitam ver em conjunto o que tod@s vemos a diário.

Continua:

BASES DO CONCURSO:
1º.As pessoas que concurrem poderám participar com um máximo de 2 fotos que se ajustará, as seguintes normas:
-Tema: O urbanismo selvagem no concelho de Lugo.
-Modalidade: Em cor ou em branco e preto, em papel fotográfico.
-Formato: Em formato impresso com um tamanho mínimo de 15x20 cm, e em formato digital em jpg, tiff ou png (com um tamanho máximo de 2 megas por arquivo).

2º As obras deverám ser fotografias originais e nom premiadas previamente, digitais ou escaneadas, e sem manipular.

3º As fotos apresentarám-se em sobre fechado figurando no exterior o número de obras apresentadas e o lema da ou do autor. Cada foto levará um título e o lugar onde foi tomada, e num sobre adjunto deverám constar os dados: nome completo da pessoa participante (aceptará-se o uso de pseudónimos), número do B.I., endereço e número de telefone.

4º As fotografias enviaram-se ao endereço postal: rua Amor Meilám 18 Lugo Tendo em conta que o praço de entrega remata o 6 de Março de 08.

5º As obras serám expostas no local da Sociedade Cultural Mádia Leva! entre as datas do 7 de Março ao 4 de Abril.Data na que se realizará no local a entrega dos prémios.

6º Realizaram-se dous prémios: um , o prémio do Mádia Leva! em base a umha votaçom popular (mediante o voto das pessoas que se acheguem até o local) e um segundo prémio mediante a valoraçom dum juri composto por pessoas vinculadas ao mundo cultural de Lugo, assim como expertos/as no tema e um/umha representante do Madia.

7º As obras enviadas pertencém aos/as autores/as, mas passado o praço de seis meses sem a reclamaçom das mesmas, as fotos passarám a formar parte dos arquivos documentais da Sociedade, podendo reproduci-las e difundi-las com total liberdade.

8º A valoraçom das obras por parte do juri terá em conta tanto o estropicio e desfeita reflejados na foto, como a qualidade técnica da mesma.

9º O prémio do juri consistirá numha fim de semana para duas pessoas na casa de turismo rural Casa do Patín em Boiro.(www.acasasopatin.com)
O prémio do Mádia Leva! consisitirá na entrega dum lote com camisolas, livros e demais material do Mádia Leva!.