Iniciamos o dia 9 de Maio o ciclo de palestras titulado: MEMÓRIA E REPTOS DO NACIONALISMO GALEGO. Pretendem ser umha variada reflexom sobre alguns dos diferentes caminhos mais ou menos paralelos percorridos polo nacionalismo nos últimos anos. Desejamos dar voz a diferentes sensibilidades e jeitos de entender a luita popular galega desde umha olhada à sua história, como umha via de entender o presente e com o propósito de mirar cara ao futuro.

A primeira palestra será o venres 6ª feira, dia 9 de maio, às 20:30 h
Lidia Senra do Sindicato Labrego Galego falará sobre o Sindicalismo Labrego.

Programa do ciclo de palestras:

9 de Maio: Sindicalismo Labrego, por Lidia Senra

16 de Maio: Feminismo Galego, por Mónica Gonçalves

30 de Maio: O Nacionalismo Polular, por Luis Gonçales Blasco "Foz"

13 de Junho: Galiza: umha periféria do centro, por Xosé Manuel Beiras

20 de Junho: Sindicalismo Obreiro, por Xan Carballo

4 de Julho: A via revolucionária, por Antom Arias Curto

A Nossa língua, a Nossa ortografia

A Sociedade Cultural Madia Leva organiza o primeiro certame de poesia e relato curto em galego-português ou em português padrom aberto à sociedade galego-portuguesa numha única categoria aberta a todas as idades, ainda que se terám em conta no momento de valorar a qualidade artística.

As bases podem-se consultar aqui

Umha ajuda para se iniciar no galego-português aqui

Cumprindo um dos nossos objetivos de intervir na sociedade de Lugo, membros da S.C. Madia Leva realizarom um mural na Av. da Corunha. Ficam ainda muitas paredes valeiras em Lugo, ... e muitas ganhas de trabalhar.

Este Sábado temos agendada umha moreia de actividades na que esperamos a participaçom de todas e todos.

Pola tarde coincidência de horarios, obradoiro de canto e I Aberto Cidade de Lugo de Bilharda. Elige da que mais gostes e participa. E depois ás 21:30h mais umha ceia ecologica.

Continua ...

O dia 28 de março impartira-se um obradoiro de canto por parte de Begoña Lorenzo, do Conservatório Folque de Lalim.

Será às 18 h no nosso local social.

Desde a Sociedade Cultural Madia Leva iniciamos umha campanha em defesa e promoçom da língua galega, e decidimos comeza-la com um mural na rúa Sam Froilam, próxima ao nosso local social, em apoio e como mostra de adesom à campanha promovida pola Fundaçom Artábria para que o Profesor Carvalho Calero seja homenageado o dia das letras galegas do ano 2009.

Informaremos também em breves do concurso de poesia e relato curto que lanzaremos nos próximos dias.

http://www.agal-gz.org/blogues/index.php?blog=37 blogue da Fundaçom
Artábria.

Projecçom de 'O monte é noso' o 13 de março (quinta feira) às 21 h no nosso local social.

A curtametragem 'O monte é noso' (Llorenç Ferrer, 1978), foi producida pola Coordinadora dos montes comunais, e conta a luita dos vizinhos por recuperar terras que lhes foram roubadas em 1939 polo franquismo.

Em colaboraçom com o Bandullo Ecolóxico ( http://www.obandulloecoloxico.info/ ), e desde o 15 de março, Madia Leva organizará ceias com produtos ecológicos e por suposto com alternativa vegetariana. Em princípio as ceia constaram de dous pratos, e teram um custo de 6 euros.
Póde-se e recoménda-se reservar no 636318092

Estaleiro Editora nasce com a intençom de ser referente daquelas criadoras e consumidoras que, como as integrantes do projecto, demandam uma alternativa ao circuito oficial da literatura e do pensamento subsidiados e tem como objectivo a criaçom de um espaço de liberdade para a dinamizaçom cultural, a inovaçom literária e o pensamento crítico.

A súa página web é http://www.estaleiroeditora.org , ficando desde agora engadida à nossa secçom de ligaçons.

Continua ...

Membros da S.C. Madia Leva apoiarom o autocarro de Galicia Bilingüe na sua parada nas terras de Lugo. O pasado sábado 1 de março, varias pessoas vinculadas à nossa Sociedade mostrarom o carinho e o apoio a estes fabulosos destructores da lingua galega.
Acertadísimas consignas como "gallegos fuera de Galicia", "cuando hablas gallego, Dios mata un gatito", "en español se liga mas", "tenemos dinero y un autobús", etc animarom aos lucenses a asinar no manifesto que Galicia Bilingüe ofrecia a través da sua presidenta. O éxito foi rotundo: uns doce lucenses asinarom o manifesto.

Continua ...