Do manifesto e da manifestaçom do dia 18 de maio

Do manifesto e da manifestaçom do dia 18 de maio

"Fazemos parte dum amplo movimento chamado reintegracionismo e dum ainda mais amplo movimento chamado normalizador. Fazemos parte do movimento dos centros sociais, do movimento soberanista, de plataformas nacionais pola defesa da terra e de associaçons vicinais. Participamos em iniciativas promovidas por umhas e por outras sem negum tipo de preconceito partidário com um objectivo claro: consolidar o projecto chamado Galiza.

A Gentalha do Pichel manifestou em diferentes foros e reunions a vontade de participar numha manifestaçom unitária pola língua no Dia das Letras Galegas. Mas entendemos que esta manifestaçom devia ser convocada em igualdade de condiçons por todas as entidades interessadas em fazê-la realidade.

Perante a atitude de menosprezo da Mesa pola Normalización Lingüística, que nom se dignou nem a responder as propostas colocadas polo reintegracionismo numha reuniom conjunta, e perante a sua atitude de manter a unilateralidade da convocatória, decidimos nom participar na manifestaçom de 18 de Maio.

Essa foi a nossa decisom: nom assistir à manifestaçom da Mesa. Desgraçadamente, esta determinaçom colocou-nos na incómoda situaçom de nom poder assinar o manifesto da AGAL. Um manifesto com que concordamos plenamente no plano ideológico, mas que nos obriga a apoiar umha convocatória que nom queremos assumir.

A Gentalha do Pichel alegrará-se por todas e cada umha das pessoas que, de maneira sincera e honesta, participem de qualquer acçom ou evento normalizador. Todas as iniciativas serám úteis desde que caminhem para a consecuçom do monolingüísmo social. Mas a nossa associaçom nom quer legitimar com a sua assinatura colectiva as manobras pouco educadas de quem parece nom ter muito respeito por umha parte fundamental do movimento normalizador deste País".

Compostela, Maio de 2008

Escrito em 14-05-2008, na categoria: Notícias, Comissons
Chuza!

1 comentário

Comentário de: um [Visitante]  
um

para quando as fotos da festa do dazassete?????

20-05-2008 @ 17:20

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution