Mais um ano, por estas datas, fazemos pública a nossa oferta de formaçom; nesta ocasiom mais variada e com mais qualidade que nunca.

A jornada de apresentaçom dos cursos será no día 16 de Outubro às 21h00 no centro social "O Pichel" (Santa Clara 21).Nesta jornada decidiremos os horários, solucionaremos dúvidas e definiremos a orientaçom dos cursos.

Preços
O custo dos cursos ronda os 14 euros e depende de vários factores, sempre tentando oferecer preços populares acessíveis. As pessoas associadas desfrutarám de um desconto de 2 euros. Também se descontarám a quem se inscreva em mais de um curso.

A seguir, apresentamos os diferentes cursos que há:

Continua:

Harmonia e Corda
Dáni Sisto

Este conhecido músico de Trás-Ancos acumula umha ampla experiência profissional didáctica que o levou ao colégio público Ramom Cabanilhas e à Asociaçom Juvenil “Brigantia” como professor de guitarra. Ensinou em Artábria de Ferrol e impartiu aulas na Escola da Vaca e no Conservatório de Música Tradicional e Folk de Lalim.
Como intérprete participou no dueto de fado e música popular portuguesa A Malta ou na Nova Galega de Danza.
Foi guitarrista de “Luar na Lubre”, com quem conseguiu dous discos de ouro e actuou em mais de 200 ocasions, incluindo os espectáculos com Mike Oldfield.

Gaita
Marcos Varela Couselo

Este rapaz compostelano começou a tocar a gaita com 9 aninhos. Ganhou vários concursos como integrante do grupo "Os Picheleiros", que tinha fundado uns anos antes. Participou como gaiteiro de diversos grupos instrumentais e de baile na comarca de Compostela. Leva dedicando-se à docência musical mais de 14 anos. Da mao deste experimentado músico poderedes introduzir-vos no mundo da música tradicional.

francês
Maria Peón
é umha rapariga de Louriçám (Ponte Vedra) que estudou filologia francesa na faculdade de Santiago de Compostela e Letras Modernas na Universidade de Angers (País do Loira). Morou dous anos na França e leva vários anos a ministrar aulas de francês na Galiza em diferentes ámbitos.
Neste curso conseguiremos adquirir as competências básicas para mantermos pequenas conversas e sobreviver um fim de semana em Paris.

alemám
Cristina Cubeiro
Esta rapariga nacida em Sada estudou em Compostela filologia alemá; dá aulas desde o ano 1998 em diferentes ámbitos e trabalha desde 2004 na EOI de Compostela.
É membro da directiva da Associaçom Galega de Germanistas, colectivo que trabalha para a promoçom do estudo do alemám na Galiza.Participa na formaçom de novas professoras desta língua e na organizaçom de jornadas e eventos em colaboraçom com outros organismos. Sairemos deste curso com umha equipa de sobrevivência básica para mover-nos com sucesso e nom morrer de fame em países de fala alemá. Todo o aprendido estará relacionado com o ámbito sócio-cultural germano.

Teatro, Teatro para Nenos e Pintura
Reina D’Hoore Sánchez

Esta actriz nacida em Bruxelas tem um amplíssimo currículo artístico que vai do teatro às artes plásticas, passando pola música e a expressom corporal. Formou-se em Espacio Aberto, pasou pola sala Galán, estudou pintura com Jean-Claude Garoute (Tiga) em Haiti e participou em várias produçons cinematográficas (“La Rosa de Piedra”, “No fondo funciona a solidariedade”, “13 Badaladas”). Foi a organizadora, directora e coordenadora do “Roteiro de Criaçom Contemporánea”, em Santiago de Compostela e foi Monitora de um atelier de pintura criativa para o Centro de Cultura Europeia em Compostela.

Curso de Sobrevivência Doméstica

Arranjar umha torneira que pinga, coser um botom, ter pessoas convidadas a jantar ou levar as contas da casa vam deixar de ser dificuldades na nossa vida, porque no Pichel vamos ter o primeiro “curso de sobrevivência doméstica”, onde aprenderemos todo isso e muito mais, até nos convertermos em perfeitos e perfeitas donas de casa!

O curso estará dividido em módulos temáticos de aproximadamente um mês de duraçom, com sessons semanais de umha hora e meia. Começaremos com culinária, costura e bricolagem doméstica, e depois iremos ampliando a oferta em funçom das vossas demandas e necessidades. O programa irá-se anunciando com antecedência no Pichel e no nosso blog.

catalám
Bàrbera M. Oliver Vicenç
Licenciada en filologia catalá pola Universidade das IIlles Balears. Trabalhou 2 anos na Escola Oficial de Idiomes de Barcelona; na actualidade é professora em Vigo.

dança
Chus Caramés
De Bandeira a Compostela, esta rapariga leva duas décadas no baile galego. Começa na sua terra natal para retomar na nossa comarca num grupo de baile da cidade. Além de bailadora e pandeireteira, é a organizadora dum evento muito importante para a musica tradicional do pais, "os encontros de musica tradicional de Carvoeiro".

pandeireta iniciaçom
Jara Ortiz Barrio

Jara começa a sua história particular na música tradicional no ano 1998, fazendo parte das cantareiras do grupo "Ecos da Terra" de Carança.
Com certo carácter autodidacta e sempre vinculada à música de raiz, colabora no ano de 2004 no disco de Susana Seivane "Mares de Tempo".
Na actualidade fai parte do trio musical Son+d2, onde conjuga a música da Terra com outros ritmos do mundo, e é vocalista do grupo folk "Lua de Fouce", quemistura música tradicional e novas composiçons, dando um carácter criativo e inovador à nossa música.

pandeireta avançado
Estevo Lamas

Pandeireteiro, bailador, acordeonista, gaiteiro... Este jovem tam polifacético leva desde miúdo a tocar a pandeireta e a cantar. Começa no grupo Arreixeira, na súa Íria Flávia natal, com apenas 11 anos. Hoje com 26 compagina umha grande actividade no mundo do baile e a música tradicional, sendo membro ou dando aulas em diferentes agrupaçons ou associaçons

tamboril
Rita Rodriguez Garcia

Aprendeu a tocar tamboril com Lola, de Ribeira, na Escola Municipal de Música da Corunha, fazendo parte da Banda de Gaitas dessa escola. Na coral Cantigas da Terra conheceu Miguel, o seu outro professor, de quem aprendeu a tocar dum jeito mais intuitivo.
Neste curso Rita vai tentar ensinar-nos, através da música, a tirar para fora aquilo que levamos dentro e que nom podemos exprimir com palavras.

Defesa Pessoal para Mulheres

Monográficos em projecto:
Expressom corporal
Jogos Bailados
Percussom Brasileira
História da Música Tradicional
Introduçom ao Adobe Photoshop
Defesa pessoal para mulheres

HORÁRIOS:

Segunda-feira:

19:00-20:30 - Alemám. Começo:5 de Novembro.
20:30-22:00 - Catalám. Começo: 22: Outubro.
21:00-22:30 - Defesa pessoal para Mulheres. Começo: 21 de Outubro.

Terça-feira:

17:30-19:00 - Língua e cultura bascas. Começo:23 de Outubro.
19:00-20:00 - Pintura. Começo: 23 de Outubro.
19:00-20:30 - Francês. Começo: 30 de Outubro.
20:30-22:00 - Português. Começo: 30 de Outubro
21:00-22-00 - Dança tradicional: Começo: 23 de Outubro.
21:30-23:00 - Gaita: Começo 16 de Outubro

Quarta-feira:

20:00-21:15 - Teatro. Começo:24 de Outubro.
21:00-22:00 - Tamboril. Começo: sem definir Começo: 24 de Outubro

Quinta-feira.

20:20.- Pandeireta Avançado. Começo 18 de Outubro.
20:45.- Pandeireta Iniciaçom. Começo: 18 de Outubro.

Para qualquer dúvida chamar ao 686 015 657