Já nas datas próximas ao Sam Joám todo começa a pôr-se a andar. Dúzias de associaçons vicinais e sociais, grupos de amigas, ... começam a organizar umha das noites mais mágicas e entranháveis do ano.

Continua:

As cacharelas proliferam em toda a cidade e comarca e nom há pracinha, vizinhança, bairro, paróquia ou aldeia que nom faga gala da famosa sardinhada com a correspondente festa rachada.

O sam Joám deve ser das poucas festas da nossa cultura que ainda fica em maos do "poder popular" que é quem organiza ,executa e desfruta dela.

Por isto, polo facto de ser umha grande festa tradicional, enraizada na nossa cultura, com grande seguimento do povo, umha festa onde toda a gente desfruta, nom podemos compreender por que carece do carácter de dia feriado que lhe correponde.

Da Gentalha do Pichel reivindicamos a necessidade de se respeitar esta data como dia nom laborável dado que é umha celebraçom com grande seguimento e que merece ser vivida como tal, sem a limitaçom de termos que trabalhar no dia a seguir.

Por um maior respeito às nossas festas:
O EQUINÓCIO DE VERAO NO NOSSO CALENDÁRIO!!