A GENTALHA DO PICHEL CONTRA O FINANCIAMENTO PÚBLICO DO INTEGRISMO CATÓLICO

A GENTALHA DO PICHEL CONTRA O FINANCIAMENTO PÚBLICO DO INTEGRISMO CATÓLICO

A Asssociaçom Cultural A Gentalha do Pichel quer manifestar o seu profundo rechaço à política de financiamento público da Semana Santa que a Cámara Municipal de Santiago de Compostela está a desenvolver.

O nosso governo local decidiu investir milhares de euros no financiamento de actos de exaltaçom do fanatismo, do ultraconservadorismo, dos valores mais reaccionários e contrários à liberdade das pessoas. Durante vários dias as vizinhas e vizinhos da cidade teremos que cruzar-nos com os representantes de umha instituiçom ?a igreja católica- nitidamente espanholista, machista e culpável dos muitos séculos de atraso cultural que o nosso povo padeceu. Seremos obrigadas e obrigados a ficar em casa ou a ouvirmos sermons e missas retransmitidas por ruas e praças, e teremos que ver como os nossos impostos servem para pagar rituais integristas de duvidoso carácter cultural.
A Gentalha do Pichel critica abertamente a política de subsídios da Cámara, que opta polo fanatismo católico e nom pola cultura nacional, popular, formativa, laica, em galego e para todos e todas.
Como cidadaos e cidadás compostelanas e laicas organizadas na Gentalha do Pichel pola cultura nacional, polo galego e polo progresso, exigimos que a Cámara Municipal nom destine nem um cêntimo mais a um dos principais inimigos da nossa cultura e da nossa língua.

Compostela, 4ª feira 12 de Abril de 2006

Escrito em 12-04-2006, na categoria: Notícias
Chuza!

Sem comentários ainda

    SEMENTE

      Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

      Documentário Quatro anos de Gentalha já na rede!

      A Gentalha do Pichel Centro Social O Pichel Loja da Gentalha

        AGENDA DE EVENTOS

          Busca

          O blogue do Apalpador

          powered by b2evolution