A raiz da detençom de Carlos Cela Seoane ontem na Corunha, a Gestora do Centro Social Gomes Gaioso decidiu que a festa que em princípio tínhamos fixada para hoje com o fim de recadar fundos para o centro social se converta num acto de solidariedade activa com o Carlos.

[Mais:]

Tod@s nós sabemos que o Carlos é umha boníssima pessoa que sempre apoiou tanto o nosso projecto como o de diferentes entidades do tecido associativo corunhês. Sempre tinha o seu bar aberto a qualquer tipo de proposta que os diferentes colectivos e organizaçons da comarca lhe solicitassem. Daí que muitos corunheses e corunhesas estajamos indignad@s pola impunidade com a que se actuou contra este querido vizinho da nossa cidade.

Por isto, encorajamos-vos a acudirdes à concentraçom marcada para às 20.30 no Obelisco e a acudirdes posteriormente ao bar Faluya.

Esta é a mínima mostra de apoio que podemos dar a este luitador que ontem foi raptado violentamente por membros da guarda civil espanhola, enquanto o seu bar e a sua casa eram saqueados (levárom desde livros até quadros e mesmo o dinheiro da caixa do bar!!).

Carlos Cela Liberdade!!