Reproduzimos o comunicado que nós fixo chegar o Conselho Local do BNG em Ferrol.

Continua:

O BNG pide ao Goberno Local que cumpra o acordo plenario sobre Carvalho Calero

O Consello Local do BNG esixiu esta mañá ao goberno do concello de de traslado á Real Academia Galega do acordo plenario no que se demanda a adicatoria dun Día das letras para o profesor ferrolán Ricardo Carvalho Calero.

O BNG considera ilóxico anunciar un relanzamento da campaña institucional a favor de adicar o Dia das letras a Carvalho Calero e mantén paralizado o envio do acordo tomado o pasado 28 de febreiro polo pleno municipal.

Descoñecemos os motivos de que esta demanda non fora tramitada tal e como se acordara. Descoñecemos se a Concellería de Cultura pensa que a Real Academia Galega ten que enteirarse do posicionamento do Concello de Ferrol polos medios de comunicación ou cando pretende darlle saida a solicitude formal. Asi mesmo consideramos que tardar máis de dous meses en enviar un acordo plenario a RAG da evidencia, cando menos, certa desidia institucional.

O BNG seguirá a traballar e a sumar a súa voz a todas aquelas persoas e entidades que demandan que a celebración do Día das Letras Galegas do 2009 sexa adicado a Ricardo Carvalho Calero.

Ferrol a 14 de maio de 2008
Consello local de Ferrol.