A primeira jornada do nosso VIII Festival da Terra da Língua começou ontem, sexta-feira, com boa animaçom e mais participaçom do que em ediçons anteriores. Após a apresentaçom realizada polo companheiro Leandro Lamas e pola companheira Sílvia Casal, Os da Ria apresentárom o seu espectáculo humorístico musical, que foi acolhido com calor e aplausos polo público.

Continua:

A seguir, começou a sessom puramente musical da noite, com protagonismo para as últimas tendências do panorama musical da Galiza: Chámalle Xis!, Cuchufellos e Ulträqäns apresentárom ritmos diversos, mas todos tingidos de conteúdo musical galego, prolongando a festa até altas horas da madrugada.

Apresentamos-vos algumhas imagens da primeira jornada do Festival, que hoje tem continuidade com um programa carregado de actividades dirigidas ao público infantil e adulto.