« Solidariedade com A Esmorga | Queres participar na Comissom de Língua? » |
Oferecemos-vos os pdf's de algumhas das publicaçons que a nossa entidade tem editado ao longo dos últimos quinze anos. Algumhas, inclusive anteriores à nossa transformaçom em Fundaçom. É o caso da História da Língua em Banda Desenhada, publicada em 1992 por nove colectivos reintegracionistas, incluída a daquela "Associaçom Reintegracionista Artábria". Também podedes ler a História da Galiza em Banda Desenhada, iniciativa impulsionada pola ainda associaçom Artábria, em 1995, com a colaboraçom de outras doze entidades.
Já como Fundaçom, em 1998 lançamos o Manual de Iniciaçom à Língua Galega, da autoria de Maurício Castro, e cuja ediçom electrónica oferecemos aqui para todos e todas vós. O poemário Gong, de Carlos Quiroga, é outro dos títulos publicados pola Artábria, um ano mais tarde, em 1999.
Esperamos que a série de publicaçons on line aumente progressivamente, quer recuperando velhas ediçons da Artábria, quer a partir de novas publicaçons, algumhas já em agenda. Ficade atentas e atentos...
POEMÁRIO "GONG" de Carlos Quiroga. 1999
Carlos Quiroga é professor de Literatura Portuguesa na Faculdade de Filologia em Compostela. Hoje reconhecido e premiado como grande valor da nossa literatura como autor de diversas obras narrativas e poéticas, Gong supujo a sua estreia editorial, tendo a nossa entidade a honra de subscrever a sua publicaçom. Gong contém poesia inteligente, pungente e elaborada, de grande qualidade.
Manual de Iniciaçom à Língua Galega. 1998
Primeira obra publicada pola Fundaçom Artábria, em 1998, no mesmo ano da sua constituiçom e de abertura do nosso centro social. Da autoria de Maurício Castro, constitui um manual dirigido à aprendizagem dos fundamentos da nossa língua para pessoas nom especializadas. Esgotado na actualidade, pode ser descarregado gratuitamente aqui:
História da Galiza em banda desenhada. 1995
Desenhos de Leandro Lamas. Guiom de Gonçalo Grandal e Maurício Castro.
Três integrantes da nossa Fundaçom realizárom em 1995 esta obra de divulgaçom da nossa história em formato de banda desenhada e tom humorístico. Editada pola Artábria quando ainda nom dera o passo para se constituir em Fundaçom, contou com a co-ediçom de diversos colectivos culturais. Os 4.000 exemplares da ediçom esgotárom-se há já vários anos, mas agora podes descarregá-la grátis em formato PDF.
História da Língua em banda desenhada. 1992
Obra magistral em banda desenhada da autoria de Beatriz Árias, Xavier Paz, José A. Aldea e o Colectivo Pestinho. Publicada em 1992, contou com a colaboraçom da ainda associaçom Artábria junto a outros colectivos reintegracionistas. Há anos que está esgotada, mas podes descarregá-la em PDF gratuitamente.
O Saltom Astronauta
Precioso conto infantil belamente ilustrado polo grande artista trasanquês Leandro Lamas, por sinal membro da Artábria, e do polifacético PePablo, bem conhecido em ambientes artísticos da comarca -e nem só. Sirva esta recuperaçom da obra de ambos como homenagem aos dous companheiros, às crianças que já o lêrom e às que a partir de hoje poderám lê-lo novamente
Conhecermos Carvalho Calero
O texto foi elaborado pola nossa Comissom de Língua, incluindo fotografias cedidas polos fotógrafos ferrolanos A. Malde e Moncho Rama, além de umha ilustraçom de Leandro Lamas. Colaboraram na ediçom de 5.000 exemplares, que fôrom distribuídos gratuitamente na nossa comarca, a CIG e as cámaras municipais de Narom, Fene, Cedeira, Ferrol, Compostela e as Pontes. Com 55 páginas, inclui um bosquejo biográfico, umha completa bibliografia activa e passiva e umha série de citaçons relativas à nossa língua, em que fica patente o compromisso reintegracionista e normalizador do Professor.
Olá:
Acho muito boa esta secçom que disponibiliza publicações da Artábria em PDF.
Contudo, acho na página anterior da Artábria havia um conto para crianças em PDF que nom se encontra aqui. Pessoalmente gostaria que esse texto fosse incluído nesta secçom… hoje mesmo entrei na página à sua procura e…
Abraços e parabéns polo trabalho:
Carlos Figueiras
A questom é que a criaçom do novo blogue respondeu também a umha necessidade, pois perdemos os conteúdos do velho. Por isso está a ser tam custoso irmos recuperando, a pouco e pouco, os materiais que lá estavam.
O conto de que falas é O saltom astronauta, e por enquanto nom pudemos recuperá-lo. Aproveitamos para pedir que se algumha ou algum visitante descarregou esse PDF no nosso web velho, no-lo envie para o podermos disponibilizar novamente.
Há outros muitos materiais que, por motivos em que nom adianta entrarmos, a dia de hoje nom temos.
Pedimos, portanto, desculpa a toda a gente que nos visita. Tentaremos ir recuperando aos poucos todo o que nos for possível e agradeceremos qualquer envio de materiais que podades ter descarregado no passado.
Cumprimentos,
Fundaçom Artábria
Como nom atopei nengum endereço de contacto para mandarvolo, subino a um servidor, deixovos o link para descarregalo/recuperalo
http://www.megaupload.com/?d=PINRXPE4
Um saúdo.
Infelizmente os links que apontam para o sítio artabria.net não estão a funcionar. :(
olà!
Nom se podería recuperar também a Historia da Galiza en Banda Desenhada?
Os links están rotos!
Grazas.
A única hiperligação que funciona é a do Manual de Iniciaçom à Língua Galega. Podem arranjar as outras?
Pedimos desculpa a todas as pessoas que nos visitam porque as ligaçons para as obras que disponibilizamos on line estivérom rotas durante vários meses. Por fim conseguimos arranjá-las e agora estám novamente disponíveis, junto a umha novidade: o poemário Gong, de 1999, agora reeditado digital e gratuitamente.