Introduçom

A associaçom sócio-cultural Aguilhoar, em colaboraçom com a AGAL,tem como objectivo servir de ponto de encontro e de debate entre pessoas com compromisso com a língua, a cultura, os valores solidários e os direitos históricos da Galiza e actuar assim como um grande guarda-chuvas contra a espanholizaçom da nossa cultura, lazer... em definitiva da nossa naçom. Formada por pessoas individuais, com vontade de dinamizar o movimento associativo da comarca da Límia e intervir em diversos âmbitos da sociedade, colaborando assim com outros colectivos na procura daqueles objectivos comúns.

Festival

Sendo, portanto, a defesa dos direitos históricos da Galiza um dos nossos eixos prioritários de trabalho, bem como a defesa do nosso meio ambiente, é a nossa intençom organizar um ambicioso festival lúdico-reivindicativo o Sábado 29 de Setembro, junto com outros colectivos de todo o País que coincidirem nesta reivindicaçom. Portanto, sob a legenda “Autodeterminaçom é o que nos une” desenvolver-se-á- a II ediçom do Festival da Mocidade em Vilar de Santos como espaço alternativo de apelo em prol dos nossos direitos nacionais e defesa do nosso meio, conscientizando a sociedade em geral e a mocidade em particular, da comarca da Límia e toda a Galiza, da necessidade de exigir que se respeite a nossa Terra e o nosso direito a decidir como naçom. Na organizaçom deste festival, queremos contar com a ajuda e colaboraçom de outros colectivos que partilham com nós estes objectivos.

Programa

Data: Sábado, 29 de Setembro de 2007
Localizações: Área recreativa da Cachalgura, Salom de Actos da Câmara Municipal, Centro Social de Vilar de Santos.

-10h00 a 13h00: Roteiro em bicicleta pola comarca da Límia, acompanhados por um guia que explicará o impacto ambiental das poças e a dissecaçom da Lagoa de Antela.

-11h00-13h00 e 15h00-18h00: Obradoiro de Percussom na praça do Concelho a carrego de Tom Risco.

-13h30: Almoço popular ecológico para os participantes no roteiro e no obradoiro de percussom, organizado por umha comissom do C.S Aguilhoar.

- 16h00: Jogos para crianças durante toda a tarde.
Feira de Colectivos e Centros Sociais.

-17h00-20h00: Animaçom lúdico-reivindicativa musical a carrego de umha charanga.

- 20h00: Conferência sob a leganda “Autodeterminaçom é o que nos une”, a cargo de Antón Dobao, Pilar Garcia Negro, Carlos Taibo e Antom Santos. Apresentaçom a carrego de um representante de Aguilhoar que lerá o manifesto do Festival. O acto terá lugar no Salom de Actos.

-22h00: Ceia popular aberta a todos, organizada por umha comissom do C.S. Aguilhoar, que terá lugar debaixo da carpa (preço de 5 €).

- 23h00: Concerto musical que terá lugar na área recreativa da Cachalgura. Actuaram os seguintes grupos:

Guezos (Ourense)
Skárnio (Vigo)
Kumpania Algazarra (Lisboa)