A Esmorga Centro Social

detalhes do artigo: Tagen Ata: «Mudar de Língua, por quê?

Tagen Ata: «Mudar de Língua, por quê?

31-03-2008

Os benefícios de progredir em galego

A Esmorga / MDL / PGL - Hoje, 4 de Abril, às 20h30, Paula Ríos, do colectivo Tagen Ata, virado para a língua e a comunicaçom, dissertará no centro social A Esmorga baixo o título «Mudar de Língua, por quê?». Paula falará (e fai-no muito bem) a partir da prática. Um acto a nom perder que decorre na sequência das I Jornadas de Língua em Ourense, sob a organizaçom da Esmorga, da AGAL, e do MDL.

[Mais:]

A partir da nossa comunidade linguística, o colectivo Tagen Ata tem como objectivo «conseguir a adequaçom do galego aos novos contextos sociais, a sua modernizaçom, visibilidade e presença social», para isso, o labor deste grupo profissional de língua e comunicaçom «procura aproximar umha perspectiva multilinguística que contribua a umha convivência das línguas do mundo justa e igualitária».

Em concreto, na apresentaçom da palestra de Ourense lemos o seguinte:

«Pretendemos favorecer a adquisiçom de atitudes positivas para a língua. Os nossos objectivos devem de ser também provocar mudanças nos hábitos linguísticos, priorizar o desenvolvimento da expressom oral; conectar a língua com valores de solidariedade, igualdade de sexos, educaçom para a paz, etc; transmitir o valor da capacidade transformadora do indivíduo na sociedade e das iniciativas de grupo e associativas; revelar os benefícios de progredir em galego.»