Primeira ediçom do «CinemGalego» deu a andamento com a projecçom de Machinhos

07-12-2006

Disponibilizamos vídeo, informaçom e ligaçom para descarregar livremente essa produçom

A Esmorga Blogue.- Ontem deu a andamento a primeira ediçom do «CinemGalego» com a passagem do episódio modelo de Machinhos, «uma sitcom galega de 25 minutos, fortemente influenciada pelas sitcoms de culto da BBC na década de 80», escrita e dirigida em 1997 por Xosé Antón Moure, Denis Lopes e Fran Velo e disponibilizada na net polo Netlabel da Regueifa Plataforma.

Continua:

Com o apoio da Escola de Imagem e Som da Corunha, César Martins «Goldi», Manuel Milhám e Denis Lopes, protagonizárom esta «tentativa de fazer uma sitcom galega para a mocidade», salientam, numha altura em que apenas se emitiam duas séries galegas (Pratos Combinados e Marcas Vivas), mas de grande sucesso.

Machinhos conta as desventuras de Tonho e Denis, «dous estudantes galegos fracassados, sujos, lacazáns, bêbados e um bocadinho machistas».

Com claras influências de séries de culto na BBC como «Os Novos», das quais tomam a ideia de introduzir um vídeo-clipe -desta volta de rock-bravu, o episódio modelo de Machinhos nom tivo continuidade embora «ficassem, muitas, muitas histórias por contar», concluem os seus realizadores.

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

Ficha Técnica

Uma produçom da EIS (Escola de Imagem e Som da Corunha), 1997.

Ideia Original: Denis Lopes, Xosé Antón Moure.
Título Original: Machiños.

Roteiro: Xosé Antón Moure, Denís Lopes, Fran Velo.
Direcçom: Xosé Antón Moure, Fran Velo.
Direcçom artística: Sendra Ros.
Duraçom: 27 min. 37 seg.

Elenco: César Martins «Goldi», Denis Lopes, Manuel Milhám, Marita Martins, Raquel Ramos.

MACHINHOS está editado por A REGUEIFA PLATAFORMA.