A Esmorga Blogue.- Coincidindo com o início das Festas de Ourense, A Esmorga duplica os esforços, as ganas e a vontade para denunciar que na nossa cidade a cultura está a ser perseguida, censurada e clausurada polo governo municipal do PP. Por isso, para mostrar na rua o nosso apoio ao projecto dos Centros Sociais, e concretamente para exigir a re-abertura imediata d'A Esmorga, convocamos-vos a todas e a todos à Manifestaçom que terá lugar no próximo Sábado dia 10, às 19:00 desde a porta do Centro Social, na Rua Cabeça de Maceda de Ourense. Todas e todos estades convidad@s!!!

E depois da manifestaçom, a partir das 22:30......CONCERTO!!! Na sala LOOPS (Rua Carriarico), com as actuaçons de Xigante Verde, Guezos, Greska e Skárnio, e um bilhete de 5 euros, que nom é nada...

A História da obrigação de fechar as portas

O Centro Social A Esmorga foi precintado polo governo municipal de Ourense no passado mês de Maio, depois de mais dum ano de actividade em defesa da língua e da cultura galegas. Entre as actividades semanais do Centro Social encontram-se a realizaçom de cursos (língua, música tradicional, dança...), palestras, debates, serviço de biblioteca e mediateca no nosso idioma...

Ademais, o Centro Social está implicado na recuperaçom de festas, na promoçom e defesa da língua, no impulsionamento do associacionismo através da cessom do seu local aos colectivos mais diversos, etc.

O Concelho de Ourense precintou A Esmorga sob o pretexto «formal» de nom ter os 3,20 m de altura exigidos para a concesom dumha licência (o teito da Esmorga mede 2,90), enquanto a maioria dos locais abertos na zona velha da cidade também nom atingem essa altura, e a prática totalidade dos locais das associaçons vicinais e culturais da corda do PP carecem de licência algumha.

Por isso, a Esmorga denuncia a intencionalidade política que claramente se encontra detrás desta medida, exigindo a imediata reabertura do centro e o cessamento da perseguiçom das suas actividades.

Para solidarizar-se com A Esmorga pode-se assinar aqui.