ORGULHO LGBT GALEGO 2007

ORGULHO LGBT GALEGO 2007

26-06-2007

ATURUXO, Federaçom Galega de Asociaçons LGBT, convida-vos a compartirdes connosco, no sábado 7 de Julho, a celebraçom do dia do Orgulho LGBT Galego em Santiago de Compostela. Este ano dedicado à bissexualidade.

Os actos começarám às 14:00 com o Maripicnic na Carvalheira de Santa Susana (na Alameda), no qual se prevê que haverá um concurso de tortilha e corrida de tacons, ademais de jogos diversos.

As 20:00 sairá a manifestaçom unitária do passeio da Alameda, ao finalizar da mesma procederá-se à leitura do manifesto. Como fim e pondo o ponto festivo a já tradicional festa-concerto na Praça da Quintã, que começará às 22:00 e conta este ano com as actuaçons de The Homens+ Projecto Mourente, espectáculo drag e de dança e com um concerto de Nancys Rubias, tudo com Lucía Aldao como apresentadora.

Informaçom das bandas aqui!!!

THE HOMENS

O 2006 foi um ano triunfal para The Homens: o seu EP foi escolhido entre os dez melhores discos do ano polos leitores da revista Sonotone, ficárom também entre os dez primeiros em A Polo Ghit con ?Sandra Dee?, nom tivérom paragem dando concertos por todo o país e mesmo fora dele...
http://www.thehomens.com/

PROJECTO MOURENTE

Ainda que nom pretende seguir um estilo musical determinado, Projecto Mourente procura uma sensibilizaçom sobre a necessidade urgente de fazer pop electrónico em galego. Partindo do trabalho de Jimmy Somerville (Bronski Beat/Communards), Pet Shop Boys e Erasure como referência, este projecto bebe de muitas fontes: Fangoria e Carlos Berlanga, Andrés do Barro, Deee-Lite, Goldfrapp, Pastora, Depeche Mode, Zuco 103, Chico y Chica, Pizzicato Five, Eurythmics, Mylène Farmer, Fernanda Abreu, George Michael, Mercedes Peón, New Order, Étienne Daho, Glashaus, Cool Hinoise, Humanos, La Terremoto de Alcorcón, Saint Etienne, Towa Tei, Astrud, Army of Lovers, Madonna, Ellos, Maga... e assim poderíamos continuar até enchermos a página.
http://www.myspace.com/projectomourente

NANCYS RUBIAS

Pânico entre pais e professores. A ediçom do segundo disco da banda glam Nancys Rubias despertou umha febre juvenil. A paixom que esta banda desperta entre os adolescentes é tal que aos seus inúmeros seguidores nom temem submeter-se à cirurgia plástica com o fim de se parecerem o mais possível aos seus ídolos. Com o fim de paliar a situaçom, as autoridades sanitárias decidírom pôr em andamento umha campanha para restarurarem a sensatez. Anúncios em TV e rádio,painéis publicitários, flyers informativos, camisolas, crachás e gadgets informarám os jovens de que su afeiçom polo rock and roll nom tem porque passar necessariamente pola sala de operaçons.
http://www.nancysrubias.com/

Escrito ?s 13:23:54 nas castegorias: Actividades, Notícias
por LGTB   , 455 palavras, 1714 visualizaçonsChuza!

1 comentário

Comentário de: Jaime [Visitante]  
Jaime

O noso apoio como grupo para o acto, ahi estaremos. Unha aperta

30-06-2007 @ 14:33